時間真係過得好快，孖B咁就差唔多100日，越黎越重手！早輪揸檸檬汁揸到手軟，之後抱佢地簡直想死！ 而我都下個禮拜就返工啦。新姐姐暫時好OK，加上陪月仲喺度，我就變得多舊魚～ 都係快啲返工搵錢好過，話晒依家都係 No Pay！
而家泵/餵奶冇咁痛，應該係D nerve ending 終於壽終正寢⋯⋯呀唔係！應該係終於慣左所以唔覺得痛🤣🤣🤣🤣。不過仍然係窮媽媽😭😭～～ 所以諗到返工泵奶要勞師動眾帶咁多野，好似好無謂。不過咁早泵奶收工又好過意唔去～ 等我試吓返工有冇仲少咗奶先再決定～ 🤔🤔🤔
嘔血媽繼續令我嘔血。我月都未坐完，就話我個腩生完都仲咁大，叫我好做產後運動啦喎！我想講我之前40+寸巨肚，你Expect我一個月內可以收身收到咩地步呢？！唔好問我而家3個月啦你收身未～～ 食得是福呀，親！！😘😘
PS：厚顏無恥嘅我，咪威迫朋友送奶粉嘅？我個奶粉山已經可以餵到佢哋差唔多五個月大哈哈哈！
***
去日本唯一買嘅BB衫 （上次唔記得post）
同場加映近距離細佬肥脾脾一對！
Search